Clementine Vulgate
Public domain. 66 books, 1,189 chapters, 35,809 verses.
Posted verse-by-verse as a tree on Bitcoin by anonymous scribes.
Post by Scribe 19
Ad Thessalonicenses I
What the chain says
- Block
- 945 302
- Time
- 2026-04-18T06:09:51.456000Z
- Signer
- 14fLhRdmsMaVWWL9wsBJBJTw5p9Lx6NEer
- App
- peck.cross
- Type
- reply
- Content type
- text/markdown
- Tags
- bible,book:ad-thessalonicenses-i,book-idx:58,testament:nt,translation:la_vulgata,kind:book
Fields the transaction did not carry are omitted. Open the payload to see the bytes as stored.
14fLhRdmsMaVWWL9wsBJBJTw5p9Lx6NEer VerifiedReplies (48)
Ad Thessalonicenses I 1
Paulus, et Silvanus, et Timotheus ecclesiæ Thessalonicensium in Deo Patre, et Domino Jesu Christo.
Gratia vobis, et pax. Gratias agimus Deo semper pro omnibus vobis, memoriam vestri facientes in orationibus nostris sine intermissione,
scientes, fratres dilecti a Deo, electionem vestram :
ita ut facti sitis forma omnibus credentibus in Macedonia, et in Achaia.
Ad Thessalonicenses I 2
sed ante passi, et contumeliis affecti (sicut scitis) in Philippis, fiduciam habuimus in Deo nostro, loqui ad vos Evangelium Dei in multa sollicitudine.
Exhortatio enim nostra non de errore, neque de immunditia, neque in dolo,
sed sicut probati sumus a Deo ut crederetur nobis Evangelium : ita loquimur non quasi hominibus placentes, sed Deo, qui probat corda nostra.
Neque enim aliquando fuimus in sermone adulationis, sicut scitis : neque in occasione avaritiæ : Deus testis est :
nec quærentes ab hominibus gloriam, neque a vobis, neque ab aliis.
Cum possemus vobis oneri esse ut Christi apostoli : sed facti sumus parvuli in medio vestrum, tamquam si nutrix foveat filios suos.
Memores enim estis, fratres, laboris nostri, et fatigationis : nocte ac die operantes, ne quem vestrum gravaremus, prædicavimus in vobis Evangelium Dei.
sicut scitis, qualiter unumquemque vestrum (sicut pater filios suos)
deprecantes vos, et consolantes, testificati sumus, ut ambularetis digne Deo, qui vocavit vos in suum regnum et gloriam.
vos enim imitatores facti estis, fratres, ecclesiarum Dei, quæ sunt in Judæa in Christo Jesu : quia eadem passi estis et vos a contribulibus vestris, sicut et ipsi a Judæis :
qui et Dominum occiderunt Jesum, et prophetas, et nos persecuti sunt, et Deo non placent, et omnibus hominibus adversantur,
Ad Thessalonicenses I 3
ut nemo moveatur in tribulationibus istis : ipsi enim scitis quod in hoc positi sumus.
Propterea et ego amplius non sustinens, misi ad cognoscendam fidem vestram : ne forte tentaverit vos is qui tentat, et inanis fiat labor noster.
Nunc autem veniente Timotheo ad nos a vobis, et annuntiante nobis fidem et caritatem vestram, et quia memoriam nostri habetis bonam semper, desiderantes nos videre, sicut et nos quoque vos :
quoniam nunc vivimus, si vos statis in Domino.
Ipse autem Deus, et Pater noster, et Dominus noster Jesus Christus, dirigat viam nostram ad vos.
ad confirmanda corda vestra sine querela in sanctitate, ante Deum et Patrem nostrum, in adventu Domini nostri Jesu Christi cum omnibus sanctis ejus. Amen.
Ad Thessalonicenses I 4
De cetero ergo, fratres, rogamus vos et obsecramus in Domino Jesu, ut quemadmodum accepistis a nobis quomodo oporteat vos ambulare, et placere Deo, sic et ambuletis ut abundetis magis.
Scitis enim quæ præcepta dederim vobis per Dominum Jesum.
Hæc est enim voluntas Dei, sanctificatio vestra : ut abstineatis vos a fornicatione,
et ne quis supergrediatur, neque circumveniat in negotio fratrem suum : quoniam vindex est Dominus de his omnibus, sicut prædiximus vobis, et testificati sumus.
Non enim vocavit nos Deus in immunditiam, sed in sanctificationem.
et ut honeste ambuletis ad eos qui foris sunt : et nullius aliquid desideretis.
Nolumus autem vos ignorare fratres de dormientibus, ut non contristemini sicut et ceteri, qui spem non habent.
Si enim credimus quod Jesus mortuus est, et resurrexit : ita et Deus eos qui dormierunt per Jesum, adducet cum eo.
Hoc enim vobis dicimus in verbo Domini, quia nos, qui vivimus, qui residui sumus in adventum Domini, non præveniemus eos qui dormierunt.
Quoniam ipse Dominus in jussu, et in voce archangeli, et in tuba Dei descendet de cælo : et mortui, qui in Christo sunt, resurgent primi.
Ad Thessalonicenses I 5
Ipsi enim diligenter scitis quia dies Domini, sicut fur in nocte, ita veniet :
Qui enim dormiunt, nocte dormiunt : et qui ebrii sunt, nocte ebrii sunt.
Nos autem, qui diei sumus, sobrii simus, induti loricam fidei et caritatis, et galeam spem salutis :
qui mortuus est pro nobis : ut sive vigilemus, sive dormiamus, simul cum illo vivamus.
Propter quod consolamini invicem, et ædificate alterutrum, sicut et facitis.
Rogamus autem vos, fratres, ut noveritis eos qui laborant inter vos, et præsunt vobis in Domino, et monent vos,
Semper gaudete.
Sine intermissione orate.
Omnia autem probate : quod bonum est tenete.
Fratres, orate pro nobis.
Adjuro vos per Dominum ut legatur epistola hæc omnibus sanctis fratribus.
Gratia Domini nostri Jesu Christi vobiscum. Amen.