Clementine Vulgate
Public domain. 66 books, 1,189 chapters, 35,809 verses.
Posted verse-by-verse as a tree on Bitcoin by anonymous scribes.
Post by Scribe 20
Ad Philippenses
What the chain says
- Block
- 945 302
- Time
- 2026-04-18T06:09:51.670000Z
- Signer
- 1NqGUNbGHarJwcvCkdUZhtpByPZoNQSL7L
- App
- peck.cross
- Type
- reply
- Content type
- text/markdown
- Tags
- bible,book:ad-philippenses,book-idx:56,testament:nt,translation:la_vulgata,kind:book
Fields the transaction did not carry are omitted. Open the payload to see the bytes as stored.
1NqGUNbGHarJwcvCkdUZhtpByPZoNQSL7L VerifiedReplies (47)
Ad Philippenses 1
Gratia vobis, et pax a Deo Patre nostro, et Domino Jesu Christo.
Et hoc oro, ut caritas vestra magis ac magis abundet in scientia, et in omni sensu :
ita ut vincula mea manifesta fierent in Christo in omni prætorio, et in ceteris omnibus,
et plures e fratribus in Domino confidentes vinculis meis, abundantius auderent sine timore verbum Dei loqui.
Quidam quidem et propter invidiam et contentionem : quidam autem et propter bonam voluntatem Christum prædicant :
quidam ex caritate, scientes quoniam in defensionem Evangelii positus sum.
Quidam autem ex contentione Christum annuntiant non sincere, existimantes pressuram se suscitare vinculis meis.
Quid enim ? Dum omni modo sive per occasionem, sive per veritatem, Christus annuntietur : et in hoc gaudeo, sed et gaudebo.
Coarctor autem e duobus : desiderium habens dissolvi, et esse cum Christo, multo magis melius :
Ad Philippenses 2
Si qua ergo consolatio in Christo, si quod solatium caritatis, si qua societas spiritus, si qua viscera miserationis :
implete gaudium meum ut idem sapiatis, eamdem caritatem habentes, unanimes, idipsum sentientes,
nihil per contentionem, neque per inanem gloriam : sed in humilitate superiores sibi invicem arbitrantes,
non quæ sua sunt singuli considerantes, sed ea quæ aliorum.
Humiliavit semetipsum factus obediens usque ad mortem, mortem autem crucis.
ut in nomine Jesu omne genu flectatur cælestium, terrestrium et infernorum,
Deus est enim, qui operatur in vobis et velle, et perficere pro bona voluntate.
ut sitis sine querela, et simplices filii Dei, sine reprehensione in medio nationis pravæ et perversæ : inter quos lucetis sicut luminaria in mundo,
Idipsum autem et vos gaudete, et congratulamini mihi.
Omnes enim quæ sua sunt quærunt, non quæ sunt Jesu Christi.
Experimentum autem ejus cognoscite, quia sicut patri filius, mecum servivit in Evangelio.
Hunc igitur spero me mittere ad vos, mox ut videro quæ circa me sunt.
Confido autem in Domino quoniam et ipse veniam ad vos cito.
quoniam quidem omnes vos desiderabat : et mœstus erat, propterea quod audieratis illum infirmatum.
Festinantius ergo misi illum, ut viso eo iterum gaudeatis, et ego sine tristitia sim.
quoniam propter opus Christi usque ad mortem accessit, tradens animam suam ut impleret id quod ex vobis deerat erga meum obsequium.
Ad Philippenses 3
De cetero, fratres mei, gaudete in Domino. Eadem vobis scribere, mihi quidem non pigrum, vobis autem necessarium.
quamquam ego habeam confidentiam et in carne. Si quis alius videtur confidere in carne, ego magis,
circumcisus octavo die, ex genere Israël, de tribu Benjamin, Hebræus ex Hebræis, secundum legem pharisæus,
Verumtamen existimo omnia detrimentum esse propter eminentem scientiam Jesu Christi Domini mei : propter quem omnia detrimentum feci, et arbitror ut stercora, ut Christum lucrifaciam,
et inveniar in illo non habens meam justitiam, quæ ex lege est, sed illam, quæ ex fide est Christi Jesu : quæ ex Deo est justitia in fide,
si quo modo occurram ad resurrectionem, quæ est ex mortuis :
Nostra autem conversatio in cælis est : unde etiam Salvatorem exspectamus Dominum nostrum Jesum Christum,
qui reformabit corpus humilitatis nostræ, configuratum corpori claritatis suæ, secundum operationem, qua etiam possit subjicere sibi omnia.
Ad Philippenses 4
Itaque fratres mei carissimi, et desideratissimi, gaudium meum, et corona mea : sic state in Domino, carissimi.
Evodiam rogo, et Syntychen deprecor, idipsum sapere in Domino.
Etiam rogo et te, germane compar, adjuva illas, quæ mecum laboraverunt in Evangelio cum Clemente, et ceteris adjutoribus meis, quorum nomina sunt in libro vitæ.
Modestia vestra nota sit omnibus hominibus : Dominus prope est.
De cetero fratres, quæcumque sunt vera, quæcumque pudica, quæcumque justa, quæcumque sancta, quæcumque amabilia, quæcumque bonæ famæ, siqua virtus, siqua laus disciplinæ, hæc cogitate.
Scitis autem et vos Philippenses, quod in principio Evangelii, quando profectus sum a Macedonia, nulla mihi ecclesia communicavit in ratione dati et accepti, nisi vos soli :
quia et Thessalonicam semel et bis in usum mihi misistis.
Habeo autem omnia, et abundo : repletus sum, acceptis ab Epaphrodito quæ misistis odorem suavitatis, hostiam acceptam, placentem Deo.
Deus autem meus impleat omne desiderium vestrum secundum divitias suas in gloria in Christo Jesu.
Deo autem et Patri nostro gloria in sæcula sæculorum. Amen.