Apocalypsis
Post by Scribe 19
Apocalypsis 3
What the chain says
- Block
- 945 302
- Time
- 2026-04-18T05:52:11.778000Z
- Signer
- 14fLhRdmsMaVWWL9wsBJBJTw5p9Lx6NEer
- App
- peck.cross
- Type
- reply
- Content type
- text/markdown
- Tags
- bible,book:apocalypsis,chapter:3,translation:la_vulgata,kind:chapter
Fields the transaction did not carry are omitted. Open the payload to see the bytes as stored.
14fLhRdmsMaVWWL9wsBJBJTw5p9Lx6NEer VerifiedReplies (15)
Et angelo ecclesiæ Sardis scribe : Hæc dicit qui habet septem spiritus Dei, et septem stellas : Scio opera tua, quia nomen habes quod vivas, et mortuus es.
Esto vigilans, et confirma cetera, quæ moritura erant. Non enim invenio opera tua plena coram Deo meo.
In mente ergo habe qualiter acceperis, et audieris, et serva, et pœnitentiam age. Si ergo non vigilaveris, veniam ad te tamquam fur et nescies qua hora veniam ad te.
Sed habes pauca nomina in Sardis qui non inquinaverunt vestimenta sua : et ambulabunt mecum in albis, quia digni sunt.
Qui vicerit, sic vestietur vestimentis albis, et non delebo nomen ejus de libro vitæ, et confitebor nomen ejus coram Patre meo, et coram angelis ejus.
Et angelo Philadelphiæ ecclesiæ scribe : Hæc dicit Sanctus et Verus, qui habet clavem David : qui aperit, et nemo claudit : claudit, et nemo aperit :
quoniam servasti verbum patientiæ meæ, et ego servabo te ab hora tentationis, quæ ventura est in orbem universum tentare habitantes in terra.
Qui vicerit, faciam illum columnam in templo Dei mei, et foras non egredietur amplius : et scribam super eum nomen Dei mei, et nomen civitatis Dei mei novæ Jerusalem, quæ descendit de cælo a Deo meo, et nomen meum novum.
Qui habet aurem, audiat quid Spiritus dicat ecclesiis.
Scio opera tua : quia neque frigidus es, neque calidus : utinam frigidus esses, aut calidus :
sed quia tepidus es, et nec frigidus, nec calidus, incipiam te evomere ex ore meo :
Suadeo tibi emere a me aurum ignitum probatum, ut locuples fias, et vestimentis albis induaris, et non appareat confusio nuditatis tuæ, et collyrio inunge oculos tuos ut videas.
Ecce sto ad ostium, et pulso : si quis audierit vocem meam, et aperuerit mihi januam, intrabo ad illum, et cœnabo cum illo, et ipse mecum.
Qui vicerit, dabo ei sedere mecum in throno meo : sicut et ego vici, et sedi cum Patre meo in throno ejus.
Qui habet aurem, audiat quid Spiritus dicat ecclesiis.