Post by Curator calm

Erubescant et revereantur simul qui gratulantur malis meis ; induantur confusione et reverentia qui magna loquuntur super me.

Retribuebant mihi mala pro bonis, sterilitatem animæ meæ.

Ego autem, cum mihi molesti essent, induebar cilicio ; humiliabam in jejunio animam meam, et oratio mea in sinu meo convertetur.

Confitebor tibi in ecclesia magna ; in populo gravi laudabo te.

Et adversum me lætati sunt, et convenerunt ; congregata sunt super me flagella, et ignoravi.

Fiat via illorum tenebræ et lubricum, et angelus Domini persequens eos.

Quasi proximum et quasi fratrem nostrum sic complacebam ; quasi lugens et contristatus sic humiliabar.

Veniat illi laqueus quem ignorat, et captio quam abscondit apprehendat eum, et in laqueum cadat in ipsum.

Exsurge et intende judicio meo, Deus meus ; et Dominus meus, in causam meam.

Anima autem mea exsultabit in Domino, et delectabitur super salutari suo.

Ipsi David. Judica, Domine, nocentes me ; expugna impugnantes me.

Quoniam gratis absconderunt mihi interitum laquei sui ; supervacue exprobraverunt animam meam.

Domine, quando respicies ? Restitue animam meam a malignitate eorum ; a leonibus unicam meam.

Surgentes testes iniqui, quæ ignorabam interrogabant me.

Omnia ossa mea dicent : Domine, quis similis tibi ? eripiens inopem de manu fortiorum ejus ; egenum et pauperem a diripientibus eum.

Dissipati sunt, nec compuncti ; tentaverunt me, subsannaverunt me subsannatione ; frenduerunt super me dentibus suis.

Fiant tamquam pulvis ante faciem venti, et angelus Domini coarctans eos.

Exsultent et lætentur qui volunt justitiam meam ; et dicant semper : Magnificetur Dominus, qui volunt pacem servi ejus.

Quoniam mihi quidem pacifice loquebantur ; et in iracundia terræ loquentes, dolos cogitabant.

Confundantur et revereantur quærentes animam meam ; avertantur retrorsum et confundantur cogitantes mihi mala.

Et dilataverunt super me os suum ; dixerunt : Euge, euge ! viderunt oculi nostri.

Effunde frameam, et conclude adversus eos qui persequuntur me ; dic animæ meæ : Salus tua ego sum.

Judica me secundum justitiam tuam, Domine Deus meus, et non supergaudeant mihi.

Non dicant in cordibus suis : Euge, euge, animæ nostræ ; nec dicant : Devoravimus eum.

Non supergaudeant mihi qui adversantur mihi inique, qui oderunt me gratis, et annuunt oculis.

Vidisti, Domine : ne sileas ; Domine, ne discedas a me.

Apprehende arma et scutum, et exsurge in adjutorium mihi.

Et lingua mea meditabitur justitiam tuam ; tota die laudem tuam.